Marianne Rasmussen Coulling sýningarstjóri segist upplifa mikinn áhuga víða um heim fyrir næstu sjávarútvegssýningu og segir engan vafa leika á að hún eigi eftir að vekja enn meiri athygli umheimsins á íslenskum sjávarútvegi.
„Sýningin er gríðarlega mikilvægur viðskiptavaki,” bætti hún við.
„Það eru tæpir tveir mánuðir fram að sýningu, sýningarstjórnin fær daglega fyrirspurnir og 90% alls sýningarrýmis hefur þegar verið selt. Við hlökkum öll mikið til IceFish nú í haust því þar verða kynnt fjölmörg nýmæli af öllu tagi.“
„Íslenska sjávarútvegssýningin hefur verið fastur liður á dagskrá sjávarútvegsins í rúm 30 ár. Hún hefur að beiðni sýnenda og gesta verið haldin á þriggja ára fresti síðan 1984 en það tryggir að á hverri sýningu má sjá nýjar vörur sem gestir vilja fjárfesta í.“
„Í ár geta gestir okkar kynnt sér vörur og þjónustu rúmlega 500 fyrirtækja. Aðsókn í sýningarbása hefur aukist um 41% miðað við sama tíma árið 2014 og 18 lönd hafa bókað rými fyrir þjóðarbása. Sá danski verður tvöfalt stærri en síðast og sá norski helmingi stærri, auk þess sem bæði Færeyingar og Bretar stækka sína bása“.
Marianne gerði grein fyrir því að á sjávarútvegssýningu ársins megi einnig finna nýja sýnendur hvaðanæva að, þar með taldar spænska skipasmíðastöðin Astilleros Armon og sú tyrkneska Cemre Shipyard, auk netagerðanna Fibras Industriales frá Perú og Siang May frá Singapúr og gírabúnaðarframleiðandans Reintjes.
„Við sýningarstjórnin gerum okkur öll miklar væntingar til sýningarinnar í ár og hlökkum mjög til þess að fagna bæði íslenskum og erlendum gestum okkar,” sagði Marianne Rasmussen Coulling. „Mig langar líka til að minna á að nú er hægt að skrá sig sem gest á netinu. Þau sem skrá sig þar losna við biðraðir, spara sér um 20% af inngangsverði og geta farið hraðleið til að sækja aðgangsauðkenni sitt
