Allt stefnir í að íslenska sjávarútvegssýningin 2017 verði engin eftirbátur hinna fyrri því stöðugt bætist við. Árið 2014 komu fram nýir sýnendur og urðu alls um 500 frá 32 löndum, auk þess sem rúmlega 15.000 gestir frá á sjötta tug landa lögðu leið sína í Kópavog til þess að sækja IceFish heim.

„Við verðum áþreifanlega vör við mikinn áhuga á IceFish 2017 því menn gera sér grein fyrir því að sýningin er besta leiðin til að komast í samband við lykilmenn við ákvarðanatöku í bæði veiðum og vinnslu, jafnt á Íslandi sem umhverfis Norður-Atlantshafið allt“, sagði Marianne Rasmussen-Coulling sýningarstjóri.

„Við erum í nánu sambandi við hið vel þekkta og rótgróna alþjóðlega fiskveiðitímarit World Fishing & Aquaculture sem einnig gegnir lykilhlutverki við að kynna þessa þriggja daga sýningu og þá atburði sem fram fara samtímis, til dæmis ráðstefnur, áformaða kynningarfundi sýningargesta og sjöundu Íslensku fiskveiðiverðlaunin.“

Margvísleg nýmæli verða á sýningunni 2017 í samræmi við kröfur sjávarútvegsmanna. Sýningin verður haldin frá miðvikudegi til föstudags til þess að tryggja að lykilmenn í greininni verði til staðar. Þar verður einnig að finna sérstakt svæði fyrir smáfyrirtæki sem þannig gefst tækifæri til þess að kynna sig og nýta sér þau tækifæri til Íslenska sjávarútvegssýningin hefur upp á að bjóða, auk þess sem kynntur verður nýr námssjóður í samstarfi við Fisktækniskóla Íslands í Grindavík.

Íslensku sjávarútvegsverðlaunin hafa verið fastur liður á ráðstefnunni síðan árið 1999 í boði ráðuneytis sjávarútvegs og landbúnaðar og bæjarstjóra Kópavogs. Fyrirtæki eru hvött til þess að tilnefna til hinna mismunandi flokka verðlauna nýsköpun í framleiðslu en sigurvegarar er valdir af nefnd sérfræðinga undir forystu Fiskifrétta og World Fishing. Verðlaunin verða afhent með viðhöfn við móttöku á fyrsta sýningarkvöldinu og þar mæta alltaf lykilmenn úr hópi bæði íslenskra og erlendra útvegsmanna og frá fiskvinnslunni.

Fyrirtæki og fyrri sýnendur sem hafa ekki þegar bókað sér sýningarbás fyrir Icefish 2017 ættu að hafa samband við Marianne Rasmussen-Coulling, annað hvort í netfang eða síma: icefish@icefish.is  | +44 1329 825335.