Undanfarin tvö ár hefur Bureau Veritas unnið í samstarfi við íslensku útgerðarfyrirtækin HB Granda og Ísfélagið. HB Grandi hefur látið smíða tvö uppsjávarveiðiskip og tvö botnveiðiskip hjá Celiktrans í Tyrklandi, auk þess sem afhenda á það þriðja í árslok 2017. Ísfélagið lét hins vegar smíða uppsjávarveiðiskipið Sigurð á sama stað.
Bureau Veritas vann að samþykkt áætlana og skoðunum hjá Celiktrans-skipasmíðastöðinni við smíðina og veitir auk þess skipunum flokkunarþjónustu þegar þau hafa verið tekin í notkun.
Bureau Veritas er eitt elsta virka flokkunarfélag heims, á sér sögu allt aftur til ársins 1828, og er í fremstu röð á heimsvísu hvað varðar prófanir, skoðun og vottun. Fyrirtækið veitir hágæðaþjónustu til að aðstoða viðskiptavini sína við að mæta stöðugt auknum kröfum um gæði, öryggi, umhverfisvernd og félagslega ábyrgð.
Bureau Veritas starfar í 140 löndum um heim allan og hjá því vinna um 66.000 manns. Fyrirtækið vinnur að flokkun 13.500 skipa um heim allan sem alls eru 120 milljónir GT, ásamt því að veita víðtæka þjónustu á sviði vottunar og endurskoðunar í samræmi við bæði alþjóðlega staðla og staðla hvers lands og sinna sértækum kröfum viðskiptavina, umsjónarkerfum, matvæða- og fóðuröryggi og gæðaeftirliti með sjávarfangi og vottun þess. Bæði Bureau Veritas og Celiktrans sýna á Icefish og þér býðst að kynna þér bæði fyrirtækin á sýningarbásum A90 og G20.
