Fyrirtækið rekur sögu sína aftur til ársins 2002 þegar það var sett á stofn í Hafnarfirði með það fyrir augum að framleiða troll með sexhyrndum möskvum, sérstaka gerð uppsjávarneta sem vinsæl voru á áttunda áratug en höfðu dottið úr tísku.
Tor-Net setti markið ekki hátt í upphafi en hefur eflst og stækkað með árunum sem forgöngufyrirtæki á sviði trolla með sexhyrndum möskvum. Fyrirtækið hefur komið sér upp stóru netaverkstæði á Íslandi auk verkstæða í Las Palmas og Dakhla sem einkum þjónusta uppsjávarflota undan ströndum Vestur-Afríku.
Tor-Net hefur náð góðum árangri í ár í sölu trolla með demantslaga möskvum sem henta afar vel til veiða á bæði kolmunna og makríl, jafnt fyrir eitt skip og sem stærri troll fyrir partogara. Straumlínulögunin gerir líka togurum á veiðum við strendur Vestur-Afríku að togar hraðar en áður.
Tor-Net hefur auk þess umboð á Íslandi fyrir hina viðurkenndu veiðarfæragerð Euronete sem framleiðir fjölbreytt úrval neta og kaðla úr efnum af ýmsu tagi auk stálvíra. Tor-Net ræður yfir birgðum af vírum, netum og köðlum frá Euronete sem verða til sýnis á Íslensku sjávarútvegssýningunni.
Victor Strange segir þetta vera í fjórða sinn sem fyrirtækið tekur þátt í Íslensku sjávarútvegssýningunni.
„IceFish hefur alltaf skilað okkur góðum árangri og við hlökkum til að hitta fjölmarga gesti okkar, einkum frá íslenskum sjávarútvegsfyrirtækjum en líka fjölmennan hóp viðskiptavina hvaðanæva að úr Evrópu sem heimsækja sýninguna,“ sagði hann að lokum.
