Þegar Curio var stofnað í Hafnarfirði á sínum tíma var Elliði Hreinsson verkfræðingur ákveðinn í að smíða betri flökunarvél en tíðkuðust og sem skilaði hárri og stöðugri hráefnisnýtingu. Auðvelt er að endurstilla vélina eftir því hvers konar fisk er verið að vinna hverju sinni og greiður aðgangur að einstökum hlutum vélarinnar auðveldar viðhald og þrif. 2015
Frá því að flaggskip Curio sem er C211 flökunarvélin var sett á markað í fyrsta sinn hefur fyrirtækið bætt við C3027 hausara og C2030 roðflettivél auk C2015 brýningarvél sem skilar hnífsblöðunum í vinnsluvélunum hárbeittum en það er forsendan fyrir því að fá góða hráefnisnýtingu.
Auk starfseminnar á Íslandi hefur Curio stofnað útibú í Aberdeen í Skotlandi sem þjónar breska markaðnum. Að sögn Elliða Hreinssonar er Curio stærsti birgir hvítfiskframleiðenda í Bretlandi og viðskiptavinum á meginlandi Evrópu og í Ameríku fer fjölgandi.
„Við framleiðum sérhverja vél í samræmi við mismunandi óskir og þarfir hvers kaupanda,“ segir Elliði. Hann bætir við að fyrirtækið muni kynna tvær nýjar vélar á Íslensku sjávarútvegssýningunni í haust „Um er að ræða nýja fjölhæfa roðflettivél sem er kjörin fyrir framleiðendur sem vinna blandaðan afla og svo nýjan hausara með klumbubeinsskerara sem hannaður er til að mæta kröfum viðskiptavina í Noregi og Alaska.“
„Ísland er okkar heimamarkaður svo við erum með stærri sýningarbás þar en á erlendum sýningum. Við vitum líka að erlendir viðskiptavinir okkar hika ekki við að fljúga til Íslands til að hitta okkur,“ sagði Elliði Hreinsson.
Curio verður með sýningarbás númer B60 á Íslensku sjávarútvegssýningunni í haust.
