Skipasmíðastöðin hefur undirritað samning um hönnun, smíði og uppsetningu á vinnsludekki fyrir tvo ferskfisktogara. Samherji gerir út Björgúlf og dótturfélagið, Útgerðarfélag Akureyringa, gerir út systurskipið Kaldbak. Bæði skipin voru smíðuð í Tyrklandi árið 2017, rétt eins og Björg EA sem fékk vinnsludekk frá Slippnum við afhendingu.
„Vinnsludekkið í Björgu EA hefur komið vel út á þessu fyrsta ári og hefur aflameðferðin verið fyrsta flokks. Þjónustan og eftirfylgni Slippsins og lítið um vandamál frá því að skipið fór í sína fyrstu veiðiferð. Því var ákveðið að semja við Slippinn um hönnun, smíði og uppsetningu á vinnsludekki fyrir Kaldbak EA 1 og Björgúlf EA 312,“ segir Hjörvar Kristjánsson, verkefnisstjóri nýsmíða hjá Samherja.
Vinnsludekkið í Kaldbak verður sett upp í sumar og Björgúlfur fer í sams konar yfirhalningu snemma á næsta ári, þegar Slippurinn sér um uppsetningu með undirverktökum á borð við Strand og Holmek.
„Við viljum bjóða viðskiptavinum okkur upp á bestu og þekkustu lausnirnar hverju sinni. Það var því ákveðið í sameiningu með Samherja að kaupa snigla frá Stranda og lyftur frá Holmek. Við þekkjum þessi fyrirtæki vel og erum að vinna með þeim í öðrum verkefnum“ segir Ágúst Guðnason yfirhönnuður hjá Slippnum á Akureyri.
Við hönnun á vinnsludekkjunum í Kaldbak og Björgúlf var nýtt það góða úr Björgu var aðaláherslan lögð á meðhöndlun aflans og gott aðgengi að þrifum.
„Það var forgangsatriði að hafa vinnsludekkin einföld og skilvirk, það skilar sér í betri og öruggari aflameðferð og minnkar áhættuna á miklu viðhaldi sem skiptir bæði okkur og Samherja miklu máli,“ segir Ágúst.
Ef þú hefur áhuga á að sýna, styrkja, koma sem gestur eða flytja erindi á IceFish 2020, hringdu þá í +44 01329 825 335 eða sendu tölvupóst á info@icefish.is.
Sölumenn á Íslandi: Birgir Þór Jósafatsson S: +354 896 2277 birgir@icefish.is eða Bjarni Þór Jónsson GSM: +354 896 6363 bjarni@icefish.is
