Gestir geta skráð sig til þátttöku fyrir fram og þannig bæði sniðgengið biðraðir og krækt sér í rúmlega 20% afslátt. Skráið ykkur á vefsetrinu og farið fremst í biðraðirnar þegar Íslenska sjávarútvegssýningin verður opnuð.
Sýningin nálgast hröðum skrefum og ekki eru nema örfáir sýningarbásar eftir til útleigu. Marianne Rasmussen Coulling sýningarstjóri segir að aðsókn bæði íslenskra og erlendra sýnenda hafi aukist um 41% frá því síðast. Meðal nýrra sýnenda má nefna skipasmíðastöðvarnar Astilleros Armon á Spáni og Cemre í Tyrklandi, netagerðirnar Siang May í Singapúr og Fibras Industriales í Perú auk gírkassaframleiðandans færa Reintjes sem nýtur mikillar virðingar um heim allan og hefur þjónað íslenska fiskveiðiflotanum í rúma hálfa öld.
„Fjölmargt verður á seyði á sýningunni, svo sem opinber setningarathöfn með aðkomu sjávarútvegs- og landbúnaðarráðherra og bæjarstjóra Kópavogs þann 13. september, afhending Íslensku sjávarútvegsverðlaunanna í Gerðarsafni að afloknum fyrsta sýningardegi og fyrirtækjastefnumót á fyrsta degi þar sem kaupendum og seljendum er stefnt saman undir styrkri stjórn Nýsköpunarmiðstöðvar Íslands.
Á öðrum degi verður haldin ráðstefnan „Fiskúrgangur skilar hagnaði“ og hafa margir erlendir þátttakendur þegar skráð sig á hana. Á síðasta sýningardegi verður svo í annað sinn úthlutað verðlaunum til tveggja sigurvegara úr námssjóði Icefish sem halda áfram námi sínu við Fisktækniskólann í Grindavík í haust.
„Síðast en ekki síst skal nefna World Seafood ráðstefnuna sem haldin er í ráðstefnu- og tónlistarhúsinu Hörpu áður en sýningin er opnuð en að henni lokinni verður öllum ráðstefnugestum ekið beina leið á opnunarathöfn Íslensku sjávarútvegssýningarinnar þann 13.,“ sagði Marianne.
„Íslenska sjávarútvegssýningin er haldin á þriggja ára fresti og þar gefst færi á að hitta bæði íslenska og erlenda kaupendur og birgja á sviði útvegs og sjávarfangs, allt undir einu og sama þakinu. Ef þú hefur ekki nú þegar skráð þig, skaltu gera það núna til að sniðganga biðraðirnar.
