Astander-skipasmíðastöðin býr að rúmlega 140 ára reynslu en þar sérhæfa menn sig í skipaviðgerðum, viðhaldi og breytingum og stöðin á sér mjög glæsilegan feril. Systurstöðin Astican er undan ströndum Norður-Afríku í Atlantshafi á Gran Canaria eyju í næsta nágrenni við nokkur auðugustu fiskið á norðurhelmingi jarðar.
„Astican býr að nálegð sinni við fiskimiðin við Máritaníu, hefur árum saman verið í brennidepli alþjóðlegra veiðiflota á því svæði og því tekið fjöldamörg skip hvaðanæva að upp í skipalyftu sína,“ sagði Alfredo Campos hjá Astican. „Við höfum sinnt skipum frá Japan, Kóreu, Rússlandi, Hollandi, Noregi, Spáni, Írlandi og fleiri löndum sem sótt hafa til okkar um langan tíma þar sem fjölmörg fiskiskip deila aðstöðu og þjónustu stöðvarinnar með vöruflutningaskipum.“
Astander býr að mikilli reynslu við breytingar að ýmsu tagi, þar með taldar umfangsmiklar breytingar á kanadískum skipum. Fyrsta verkefnið fyrir Kanada var að lengja togara um 11 metra þegar honum var breytt í hörpuskelsveiða- og vinnsluskip. Þjónustuskipi borpalla var breytt til að þjónusta skeldýrarækt og -vinnslu og öðrum togara var breytt í skip til vinnslu á hörpuskel. Með þessum verkefnum sneri Astander sér á ný að þjónustu við fiskiskip eftir nokkurra ára hlé.
„Þessi þrjú stórverkefni gengu verulega vel og urðu skipasmíðastöðinni hvatning til að bjóða þjónustu sína öðrum sjávarútvegsfyrirtækjum á alþjóðlegum markaði, vitandi að við værum ekki síðri kostur en hinar hefðbundnu skipasmíðastöðvar Norður-Evrópu,,“ sagði hann.
„Fyrsta verkefnið af því tagi var skipið Father McKee frá Greencastle á Írlandi sem kom til 15 daga viðhaldsverkefnis í maí í ár. Við sandblésum skipið allt og húðuðum sjókælikerfi og ístanka. Næst var skipið Endurance sandblásið og byrðingur, þilför og innveggir húðaðir á ný, þar með talin málmhúðum, viðhald og endurnýjun, og allt þetta var gert á aðeins 16 vinnudögum.“
Nú er unnið að stóðverkefni á sviði breytinga fyrir Kanada og verið er að breyta öðru þjónustuskipi borpalla fyrir þjónustu skeldýraræktar og -vinnslu.
„Það þýðir 600 að tonn af nýjum þilförum, lestum, vélarrýmum og íbúðarými áhafnar eru þegar frágengin og sama máli gegnir um mesta hluta nýs tæknibúnaðar. Skipasmíðastöðin er sérsniðin til þess að uppfylla sérkröfur útgerðarfyrirtækjanna fullkomlega og því eru bæði Astander og Astican ekki síður góðir kostir en hefðbundnar skipasmíðastöðvar sem útgerðir hafa notfært sér.“
Astander and Astican er að finna í sýningarbási SB15.
