Þegar útgerðarfélagið Þorbjörn í Grindavík eignaðist grænlenska togarann Sisimiut, sem nú heitir Tómas Þorvaldsson GK-10 og er 67 metra langur, var vinnsludekkið endurbætt með nýrri M700 flökunarvél frá Vélfagi.
Þessi nýi búnaður sannaði strax gildi sitt þegar Tómas Þorvaldsson kom til hafnar með 752 tonn upp úr sjó eftir 24 daga veiðiferð sem skilaði aflaverðmæti upp á 337,6 milljónir króna.
„M700 flökunarvélin og M825 roðflettivélarnar stóðu sig einstaklega vel,” sagði Bergþór Gunnlaugsson skipstjóri.
„Breiðu færiböndin og stærri roðflettieiningar tryggja skilvirkni og stórufsinn rann mjúklega í gegnum vélina.”
Að sögn Silfár Huldar Bjarnadóttur, sölustjóra Vélfags, er það engin tilviljun að íslenskir frystitogarar vinni 63% af þorskkvóta sínum með flökunarvélum frá Vélfagi um borð.
„Notendur geta reiknað með hámarks endingu og auknum afköstum. Færri starfsmenn þarf til framleiðslunnar þar sem inntakið fyrir flökun getur verið sjálfvirkt ef það er notað í tengslum við allar gerðir flökunarvéla frá Vélfagi,” sagði hún.
Vélfag hefur áður tekið þátt í IceFish – með sýningarbása árin 2007, 2011, 2014 – en tók sér hlé árið 2017 og snýr aftur á IceFish 2020.
„Árið 2011 vorum við verðlaunuð fyrir vinnslubúnaðinn okkar sem Framúrskarandi íslenskur framleiðandi – fiskvinnslutæki,” sagði Silfá Huld.
„Fyrir okkur er Íslenska sjávarútvegssýningin mikilvægt tækifæri til að hitta viðskiptavini okkar augliti til auglitis, mynda tengsl og hlusta á fróðleg erindi. Sýningarsvæðið og lýsingin eru frábær og það er lykilatriði sem skapar gott andrúmsloft.”
Ef þú hefur áhuga á að sýna, styrkja, koma sem gestur eða flytja erindi á IceFish 2020, hringdu þá í +44 01329 825 335 eða sendu tölvupóst á info@icefish.is.
Sölumenn á Íslandi: Birgir Þór Jósafatsson S: +354 896 2277 birgir@icefish.is eða Bjarni Þór Jónsson GSM: +354 896 6363 bjarni@icefish.is
