Oddi selur framleiðslu sína meðal annars til Spánar, Bandaríkjanna, Asíu og Bretlands og vörur fyrirtækisins njóta stöðugt aukinnar hylli fyrir afbragðsgott notagildi.
Oddi er stærsti framleiðandi prentverks og umbúða á Íslandi. Fyrirtækið var stofnað árið 1943 og býður nú alla almenna prentþjónustu, framleiðslu bæði plast- og pappaumbúða, umbrots- og hönnunarþjónustu og vörugeymslur.
Fyrirtækið er starfrækt á þremur stöðum í Reykjavík og á hverjum stað er sérhæfð framleiðsla til að hámarka skilvirknina.
Sérþekking Odda í hönnun og framleiðslu hágæðaumbúða fyrir ferskar og frystar sjávarafurðir hefur tryggt fyrirtækinu langvarandi samstarf við marga evrópska framleiðendur, þar með talin mörg helstu sjávarútvegsfyrirtækin og framleiðendur sjávarafurða á Íslandi.
Margar virtustu og vinsælustu sjávarafurðir Íslands eru fluttar um heiminn í umbúðum sem hannaðar eru, framleiddar og prentaðar hjá Odda.
„Við leggjum stolt okkar í bjóða útgerðar- og vinnslufyrirtækjum sérsniðnar umbúðalausnir sem halda vörunni í besta mögulega ástandi alla leið á áfangastað og í hendur neytenda,” sagði forstjóri Oddda, Gunnar Sverrisson. „Samstarf okkar við sjávarútvegsfyrirtækin er okkur mjög mikils virði og markmið okkar er að veita bestu lausnir á hverjum tíma í samræmi við þarfir hvers og eins viðskiptavinar.“
Oddi hefur tekið þátt í Íslensku sjávarútvegssýningunni um áraraðir og kostar nú burðarpoka sýningarinnar.
„Viðburður á borð við Íslensku sjávarútvegssýninguna er okkur mjög mikilvægur því þar fáum við tækifæri til til að hitta og kynnast mögulegum viðskiptavinum en líka að endurnýja kynnin við gamalreynda og mikilvæga samstarfsaðila,“ segir Kristján Geir Gunnarsson markaðsstjóri.
„Við höldum til á sýningarbási C32 til að kynna nýjustu framleiðsluna okkar og sérfræðiþekkingu í því að bjóða bæði útgerðar- og vinnslufyrirtækjum bestu umbúðalausnirnar. Sýningin veitir okkur einstakt tækifæri til að kynnast því sem bæði núverandi og mögulegir viðskiptavinir leita að og hún er okkur hvatning til nýsköpunar með það fyrir augum að uppfylla þarfir þeirra.“
Velgengni fylgir ábyrgð. Oddi leggur mikla áherslu á umhverfisvænar framleiðsluaðferðir og endurnýtingu.
Oddi leggur einnig mikið upp úr því að veita viðskiptavinum nýjustu upplýsingar um kolefnisspor og umbúðir fyrirtækisins undir sjávarfang eru framleiddar með allt að 93% minna kolefnisspori en ýmissa stórra samkeppnisaðila.
„Umhverfisvitund hefur frá upphafi verið grundvöllur allra þátta í framleiðslu okkar,“ sagði Gunnar Sverrisson. „Stefna Odda er sú að allir viðskiptavinir okkar geti treyst því að framleiðslan sem þeir kaupa sé eins vistvæn og nokkur kostur er.“
