Nýr togari Nesfisks, Baldvin Njálsson GK-400, er teiknaður hjá Skipasýn og smíðaður í Astilleros Armon skipasmíðastöðinni í Vigo á Spáni. Hann er stórt framfaraskref í tækni og afköstum frá eldri togaranum sem hann kemur í staðinn fyrir.
Nýr togari Nesfisks, Baldvin Njálsson GK-400, er teiknaður hjá Skipasýn og smíðaður í Astilleros Armon skipasmíðastöðinni í Vigo á Spáni. Hann er stórt framfaraskref í tækni og afköstum frá eldri togaranum sem hann kemur í staðinn fyrir.
Nýi togarinn er 65,60 metra langur og 16 metra breiður, sem gefur meira pláss en gamli togarinn bæði á dekki, í vinnslu og í lest. Nesfiskur leitaði til skipahönnunarfyrirtækisins Skipasýn sem teiknaði nýja togarann út frá óskum þeirra um aukin afköst og hagkvæmari rekstur, og spænska skipasmíðastöðin Armon var fengin til þess að sjá um smíðina.
Eftir að skipulagningu og undirbúningi var lokið var nýr Baldvin Njálsson smíðaður á aðeins fimmtán mánuðum hjá Armon í Vigo. Ýmis önnur spænsk fyrirtæki útveguðu búnað fyrir nýja togarann, þar á meðal rafvæddan búnað á dekki frá Ibercisa og vinnsludekkið sem framleitt var hjá spænsku útibúi Optimars.
„Armon er stolt af smíði þessa skips fyrir Nesfisk, en bæði Nesfiskur og Armon eru fjölskyldufyrirtæki og samstarfið hefur frá upphafi gegnt lykilhlutverki í því hversu vel tókst til,“ segir Ricardo Garcia hjá Armon.
„Árangurinn á sjó fór fram úr væntingum allra. Við óskum áhöfninni á Baldvini Njálssyni góðrar veiði og öruggra veiðiferða.
Við hlökkum til að taka vel á móti gestum í sýningarbás okkar á Íslensku sjávarútvegssýningunni á næsta ári. Þar sýnum við allar nýjustu smíðarnar okkar, þar á meðal Baldvin Njálsson.”
Ef þú hefur áhuga á að sýna, styrkja, koma sem gestur eða flytja erindi á IceFish 2022, hringdu þá í +44 01329 825 335 eða sendu tölvupóst á info@icefish.is.
Sölumenn á Íslandi: Ómar Már Jónsson Tel: +354 893 8164 omar@icefish.is eða Bjarni Þór Jónsson GSM: +354 896 6363 bjarni@icefish.is
