Gadus hefur lengi notið virðingar fyrir framleiðslu sjávarafurða af mestu gæðum. Fyrirtækið er ávallt fljótt að aðlagast og staðráðið í að hafa forystu á sínu sviði. Það bregst við breyttum markaðskröfum með því að gera breytingar á framleiðslunni og kynna framtíðarsýn fyrirtækisins.
Gadus tók því virðiskeðju sína til gagngerðrar skoðunar og kom sér upp traustum samböndum við nokkrar alþjóðlegar smásölukeðjur.
Með því að setja upp bitaskurðarkerfið frá Völku mun Gadus enn frekar styrkja þessi sambönd og getur boðið upp á þær afurðir sem neytendur óska eftir.
„Við erum ánægð með þennan samning við Völku og mjög spennt fyrir því að nýta okkur til fulls þær lausnir sem Valka býður upp á,“ sagði Philip Duyck, framkvæmdastjóri Gadus.
„Þetta er lykilatriði í breytingaráætlun okkar og gerir okkur kleift að tryggja okkur langtímasamninga við smásölufyrirtækin. Einnig er frábært að sjá hve hóparnir hafa vel starfað saman og skilað góðum árangri þrátt fyrir Covid-19. Við þökkum Völku kærlega fyrir frábært samstarf.“
Valka útvegar Gadus flakaskurðarkerfi fyrir bæði lax og hvítfisk. Þegar róbótastýrt kerfið er komið upp getur fyrirtækið nýtt hvert flak mun betur og boðið nýjar afurðategundir sem annars væri erfitt eða ómögulegt að framleiða. Nýja kerfið getur hámarkað nýtingu hvers fisks með skurði í sveig eða hvaða horn sem er.
Eldri kerfi gátu aðeins skorið eftir samsíða línum en þetta kerfi ræður við að skera laxaflökin samtímis í fastar bitastærðir og minni bita úr þunnildi og sporði, sem áður var frekt á vinnuafl.
Valka tekur þátt í Íslensku sjávarútvegssýningunni í september, eins og svo oft áður, og sýnir hvers kerfin eru megnug.
„Íslenska sjávarútvegssýningin hefur alltaf verið okkur mikilvæg,“ segir Ágúst Sigurðarson, markaðsstjóri Völku.
„Þetta hefur alltaf verið góður vettvangur til að hitta bæði núverandi viðskiptavini og mögulega nýja viðskiptavini. Við viljum nýta okkur sýninguna sem best með því að gera vel við viðskiptavini okkar sem koma að skoða, og við fáum þá tækifæri til að hittast utan hefðbundins starfsumhverfis þar sem allir eru önnum kafnir. Þannig að þetta er tækifæri til að ná betri tengslum við viðskiptavini okkar.“
Ef þú hefur áhuga á að sýna, styrkja, koma sem gestur eða flytja erindi á IceFish 2021, hringdu þá í +44 01329 825 335 eða sendu tölvupóst á info@icefish.is.
Sölumenn á Íslandi: Birgir Þór Jósafatsson S: +354 896 2277 birgir@icefish.is eða Bjarni Þór Jónsson GSM: +354 896 6363 bjarni@icefish.is
